Articles on music, spirituality, self development and humor
பத்மநாபா
பாஹி பாஹி பத்மநாபா
பாஞ்சாலி மானம் காத்தவனே
பார்வதி சோதரனே பத்மநாபா
பார்த்திபன் சோகம் தீர்த்தவனே
சார்வபௌமனே பத்மநாபா
சாரங்கபாணியே பத்மநாபா
கார்மேக வண்ணனே பத்மநாபா
சீர் மேவும் சக்ரபாணி பத்மநாபா
பாஹி பாஹி பத்மநாபா
பாஞ்சாலி மானம் காத்தவனே
Prof. V. V. Meenakshi Jayakumar
ராமர்
அயோத்தி அரசன் தசரதனாம்
ஆம் இவன் மிகவும் நல்லவனாம்
இராணியர் மூவர் இருந்தாலும்
ஈண்டு இன்னும் குழந்தை இல்லை
உண்மைத் துறவி ரிஷ்யசிங்கர்
ஊர் போற்ற புத்ர யாகம் செய்தாரே
எண்ணியது அருளும் பாயாசமும்
ஏற்ற இராணியர் பருகினரே
ஐயன் நாரணன் இராமனாயும்
ஒப்பில்லா பரதனும் லட்சுமணனும்
ஓங்கு புகழ் கொண்ட சத்ருகனும்
ஔஷதம் போலே வந்துதித்தனர்
Prof. V. V. Meenakshi Jayakumar
கார்த்திகேயன்
கங்கையின் புதல்வன் கார்த்திகேயன்
மங்கையர் வணங்கிய வள்ளி மணாளன்
பங்கையர் கண்ணி தேவானை நாயகன்
சங்கையர் நாதன் வடிவில் உள்ளோன்
எங்களின் குலதெய்வம் முருகப் பெருமான்
உங்களின் துயர் நீக்கும் கருணைக்கடவுள்
திங்களின் மேனி உடைய வள்ளியின்
பங்கினில் உறையும் பரம குருநாதன்
அங்கையில் வேல்கொண்டு ஆடும் முருகன்
எங்கேயும் எங்களை காக்கும் தெய்வம்
மங்கையரின் புகழ் கீர்த்தி வாய்ந்த
ஓங்கு புகழ் பாடும் அருணகிரிநாதர்
Prof. V. V. Meenakshi Jayakumar
போற்றி ஓம் நமச்சிவாய
போற்றி ஓம் நமச்சிவாய
புயங்கனே மயங்கு கின்றேன்
போற்றி ஓம் நமச்சிவாய
புகல் இடம் பிறிது ஒன்று இல்லை
போற்றி ஓம் நமச்சிவாய
புரம் எனைப் போக்கல் கண்டாய்
போற்றி ஓம் நமச்சிவாய
சய சய போற்றி போற்றி
ஒருவனே போற்றி ஒப்பு இல் அப்பனே போற்றி
குருவனே போற்றி எங்கள் கோமளக் கொழுந்து போற்றி
வருக என்று என்னை நின் பால்
வாங்கிட வேண்டும் போற்றி
தருக நின் பாதம் போற்றி
தமியனேன் தனிமை தீர்ந்து
Prof. V. V. Meenakshi Jayakumar
சொல்லு பாப்பா நீ சொல்லு பாப்பா
பாப்பா பாப்பா சொல்லு பாப்பா (2)
கந்தா குமரா என்றே சொல்லு பாப்பா
இப்போ அப்போ எப்போதும் சொல்லு பாப்பா
கார்த்திகை குமரன்பேர் சொல்லு பாப்பா
நில்லு பாப்பா நீ நில்லு பாப்பா
சொல்லு பாப்பா நீ சொல்லு பாப்பா
கந்தா குமரா என்று நீ சொல்லு பாப்பா
அல்லும் பகலும் சொல்லு பாப்பா
வள்ளி மணாளன் பெயர் நீ சொல்லு பாப்பா
நில்லு பாப்பா நீ நில்லு பாப்பா
நித்தமும் அவன் புகழ் பாடு பாப்பா
நல்லதெல்லாம் தானே வரும் நம்பு பாப்பா
நீதி நெறியின் பக்கம் நில்லு பாப்பா
பாரு பாப்பா நீ பாரு பாப்பா
பாங்கான முருகனை பாரு பாப்பா
ஆறு முகன் அவனே தெய்வம் நம்பு பாப்பா
ஆவினன் குடி வந்து பாரு பாப்பா
ஓடு பாப்பா நீ ஓடு பாப்பா
ஓங்கார பரமன் அடி தேடி ஓடு பாப்பா
ஆடு பாப்பா நீ ஆடு பாப்பா
ஆடும் மயில் சோலை வந்து ஆடு பாப்பா
சொல்லு பாப்பா நீ சொல்லு பாப்பா
முருகன் என் தெய்வம் என்று சொல்லு பாப்பா
கல்லு பாப்பா நீ கல்லு பாப்பா
கருணை இல்லா உள்ளம் கொண்டால் கல்லு பாப்பா
வெல்லு பாப்பா நீ வெல்லு பாப்பா
வேலுண்டு வினையில்லை வெல்லு பாப்பா
வேண்டாத காமத்தை கொல்லு பாப்பா
வேலன் திருவடி கதியென நில்லு பாப்பா
முனைவர். வே. வெ. மீனாட்சி ஜெயக்குமார்
முருகன்
கிளியே கிளியே அருகில் வா
கிளர்ச்சி பொங்க அருகில் வா
கிளியே கிளியே நீ பாடு
கிள்ளைத் தமிழில் நீ பாடு
முருகா குமரா என்றே நீ
உருகி மருகி நீ பாடு
கந்தா கடம்பா என்றே நீ
மந்தாகினி போல நீ பாடு
வள்ளி கணவன் அவன் பெயரை
துள்ளி துள்ளி நீ பாடு
தெய்வானை மணாளன் அவன் பெயரை
தாய்ப்பாசம் பொங்கிட நீ பாடு
அன்பே அருளே அவன் வடிவம்
அருளும் பொருளும் அவன் தருவான்
பண்கொண்டு பாமாலை நீ பாடு
பண்ணார் மொழியில் நீ பாடு
கிளியே கிளியே அருகில் வா
Prof. V. V. Meenakshi Jayakumar
இராமன்
எடுப்பு
குலதெய்வம் இராமன் அருளுண்டு நமக்கு
பலகாலும் சொல்கிறேன் பவபயமில்லை
– குலதெய்வம்
தொடுப்பு
சிலகாலம் துதித்தாலும் போதுமே – நாளில்
சிலகாலம் துதித்தாலும் போதுமே – இராமனருள் முன்னிற்கும் என்றுமே
– குலதெய்வம்
முடிப்பு
பவசாகரம் கரையேற வைப்பான் இராமன்
தவயோக வாழ்வு தந்து காப்பான் இராமன்
லவகுசனின் தந்தையவன் சீதா இராமன்
சிவயோகம் தந்திடுவான் தசரத இராமன்
– குலதெய்வம்
Prof. V. V. Meenakshi Jayakumar
ஏறுமயில்
ஆகமும் சாஸ்திரமும் தேடு பொருள் நீயே
பாகம் ஒரு பெண்ணாகி நின்றவனும் நீயே
ஏகன் அநேகன் ஆகி இருப்பவனும் நீயே
தாகமென வருவோர்க்குத் தண்ணீரும் நீயே
காகமும் மயிலுமாய் இருப்பவனும் நீயே
யோகமும் போகமுமாய் உள்ளவனும் நீயே
காரணமும் காரியமும் ஆனவனும் நீயே
நாரணனும் நான்முகனும் ஆனவனும் நீயே
பூரணனும் புண்ணியனும் வேதியனும் நீயே
ஆரணனும் சாரணனும் ஆனவனும் நீயே
தோடுடைய செவியனும் கொற்றவையும் நீயே
வீடுடைய தலைவனும் தலைவியும் நீயே
ஆடுடைய குபேரனும் லஷ்மியும் நீயே – பண்
பாடுடைய தமிழ்நாட்டின் தெய்வமும் நீயே
Prof. V. V. Meenakshi Jayakumar
அருவி
அருவியாகிறேன் நான் அருவியாகிறேன்
ஆம் அம்மா நீர் உணர்ந்தது உண்மை தான்
இடர்களை களைவேன் நான்
ஈங்கு எனக்கென்று ஒரு பாதை வகுப்பேன்
உயர்ந்த இடத்தில் பிறந்து வந்தேன் – நான்
ஊர் போற்ற பரந்து விரிகிறேன்
எண்ணில்லா தடைகளை நான்
ஏற்றமுடன் கடந்து வருகிறேன்
ஐம்புலன்களையும் அடக்கி வருகிறேன் – நான்
ஒலி பல எழுப்பி வருகிறேன்
ஓடி ஓடி ஆடி வருகிறேன்
ஔடதம் பல என்னில் கொண்டு வருகிறேன்
அகிலம் பார்த்து விரிந்து வருகிறேன்
காஞ்சி மகா பெரியவரின் ஆசி பெற்று வருகிறேன்.
Prof. V. V. Meenakshi Jayakumar
போற்றி போற்றி பாடல்
வானநாயகனே போற்றி போற்றி
ஞான நாயகனே போற்றி போற்றி
மோன நாயகனே போற்றி போற்றி
தீனன் எனைக் காப்பாய் போற்றி போற்றி
ஜகமெல்லாம் படைத்தாய் நீ போற்றி போற்றி
அகமெல்லாம் நிறைந்தாய் நீ போற்றி போற்றி
இகமெல்லாம் உணர்ந்தாய் நீ போற்றி போற்றி
மகமெல்லாம் ஆனாய் நீ போற்றி போற்றி
ஆடும் நாயகனே போற்றி
காடும் வீடானவா போற்றி போற்றி
தேடும் எனக்கருள்வாய் போற்றி போற்றி
கூடும் படி அருள்வாய் போற்றி போற்றி
குற்றம் களைவாய் நீ போற்றி போற்றி
முற்றும் துறக்க அருள்வாய் போற்றி போற்றி
கற்றும் பலன் இல்லை போற்றி போற்றி
சுற்றம் விடவில்லை போற்றி போற்றி
தீனன் எனைக் காப்பாய் போற்றி போற்றி
ஆனதனைச் செய்வாய் போற்றி போற்றி
ஞானபூர்ண நாதனே போற்றி போற்றி
தானமாய் உன் கருணைத் தரவே போற்றி போற்றி
உள்ளபடி வேண்டி நின்றேன் போற்றி போற்றி
கள்ளத்தனம் போக்கிடுவாய் போற்றி போற்றி
வெள்ளை உள்ளம் தந்திடுவாய் போற்றி போற்றி
கொள்ளை கொண்டாய் என் மனதை போற்றி போற்றி
நானென்ற அகந்தை அகற்று போற்றி போற்றி
தானென்ற திமிரை அடக்கு போற்றி போற்றி
ஊனென்ற உயிரில் அடங்கு போற்றி போற்றி
தேனென்ற மொழி தருவாய் போற்றி போற்றி