Articles on music, spirituality, self development and humor
பல்லவி
கோயில் வாசல் வருவேனோ? – உன் திருக்
கோயில் வாசல் வருவேனோ?
அனுபல்லவி
தாயின் சொல் கேளாய் பிள்ளையாய் வளர்ந்தேன்
நோய் நொடி தாக்கி மூப்பு வரும் முன்னே – கோயில் வாசல்
வருவேனோ?
சரணம்
வாயில் வந்து நின்றால் போதும் நாயேன் வாழ்வு கடைத்தேறும்
போயும் போயும் இந்த இழி பிறவி வேண்டவே வேண்டாம். – இனி
சாயும் இவ்வுடல் கொண்டு சதானந்தன் அடி பணிந்து
தீயில் வேகும் வரை நின் நினைப்பொன்றே போதும் போதும்
Prof.V.V.Meenakshi Jayakumar
திருக்குறள்
அகர முதல என்ற ஆரம்பிப்பது திருக்குறள்
ஆதி பகவன் புதல்வன் எழுதியது திருக்குறள்
இகபர சுகங்களை அறிய வைப்பது திருக்குறள்
ஈதலின் சிறப்பை எடுத்துக் கூறுவது திருக்குறள்
உலகப் பொதுமறையென போற்றப்படுவது திருக்குறள்
ஊடலையும் கூடலையையும் பற்றி உணர்த்துவது திருக்குறள்
எல்லா சமயத்தாருக்கும் நன்று சொல்வது திருக்குறள்
ஏழ்பிறவிக்கும் ஒரு அருமருந்தாவது திருக்குறள்
ஐயம் திரிபுற அனைத்துமாய் திகழ்வது திருக்குறள்
ஒப்புயர்வு இல்லாத ஒரு சிறந்த குறள் திருக்குறள்
ஒழுக்கத்தின் மேன்மையை போதிப்பது திருக்குறள்
ஓ இதுவே தமிழ்வேதம் என்று போற்றம்படுது திருக்குறள்
ஓதி உணர்ந்து செயல்படுத்த வேண்டியது திருக்குறள்
ஔவையால் தேவர்குறள் என போற்றப்பட்டது திருக்குறள்.
—-Prof. V.V.Meenakshi Jayakumar