Articles on music, spirituality, self development and humor
கார்த்திகேயன்
கங்கையின் புதல்வன் கார்த்திகேயன்
மங்கையர் வணங்கிய வள்ளி மணாளன்
பங்கையர் கண்ணி தேவானை நாயகன்
சங்கையர் நாதன் வடிவில் உள்ளோன்
எங்களின் குலதெய்வம் முருகப் பெருமான்
உங்களின் துயர் நீக்கும் கருணைக்கடவுள்
திங்களின் மேனி உடைய வள்ளியின்
பங்கினில் உறையும் பரம குருநாதன்
அங்கையில் வேல்கொண்டு ஆடும் முருகன்
எங்கேயும் எங்களை காக்கும் தெய்வம்
மங்கையரின் புகழ் கீர்த்தி வாய்ந்த
ஓங்கு புகழ் பாடும் அருணகிரிநாதர்
Prof. V. V. Meenakshi Jayakumar
ஏறுமயில்
ஆகமும் சாஸ்திரமும் தேடு பொருள் நீயே
பாகம் ஒரு பெண்ணாகி நின்றவனும் நீயே
ஏகன் அநேகன் ஆகி இருப்பவனும் நீயே
தாகமென வருவோர்க்குத் தண்ணீரும் நீயே
காகமும் மயிலுமாய் இருப்பவனும் நீயே
யோகமும் போகமுமாய் உள்ளவனும் நீயே
காரணமும் காரியமும் ஆனவனும் நீயே
நாரணனும் நான்முகனும் ஆனவனும் நீயே
பூரணனும் புண்ணியனும் வேதியனும் நீயே
ஆரணனும் சாரணனும் ஆனவனும் நீயே
தோடுடைய செவியனும் கொற்றவையும் நீயே
வீடுடைய தலைவனும் தலைவியும் நீயே
ஆடுடைய குபேரனும் லஷ்மியும் நீயே – பண்
பாடுடைய தமிழ்நாட்டின் தெய்வமும் நீயே
Prof. V. V. Meenakshi Jayakumar