கிளி
ஆத்தோரம் ஆலமரம்
அதிலேவொரு நடு கிளை
அங்கவொரு கிளிக் குஞ்சு
அழகு கொஞ்சும் சின்னக் கிளி
அந்த கிளி பறந்து பறந்து
அம்மன் மேல அமர போகும்
அந்த கிளியாக நானிருக்க
அம்மா எனக்கு வரங்கொடு
Prof. V. V. Meenakshi Jayakumar
கண்ணன்
கண்ணன்
கண்ணன் கையில் குழலாவேன் – நான்
கண்ணன் கையில் குழலாவேன் – என்
எண்ணங்கள் அனைத்தையும் அவனிடம் தந்து
குழலைப் போல் நான் உள்ளொன்றும் கொள்ளேன்
மண்ணைத் தின்று உலகம் படைப்பான் – என்
மனதைத் தின்று உவகை கொள்வான்
பண் கொண்டு பாடும் எந்தன் குரலில்
தேனாய் வந்து இனிமை கொடுப்பான்
விண்ணையும் மண்ணையும் காலால் அளப்பான்
வீணையில் இசையாய் என் வசம் வருவான்
அண்டமும் பிண்டமும் அவனே என்ற
உண்மையை எனக்கு அனுதினம் உரைப்பான்
Prof. V. V. Meenakshi Jayakumar
ஆடுவோமே பள்ளு பாடுவோமே
ஆடுவோமே பள்ளு பாடுவோமே
பல்லவி
ஆடுவோமே பள்ளு பாடுவோமே – நாம்
அனைவரும் தடுப்பூசி போட்டு விட்டோம் என்று – ஆடுவோமே
அனுபல்லவி
எங்கும் கொரோனா என்பதே பேச்சு – நாம்
எல்லோரும் பயப்பட வேண்டியதாச்சு
தடுப்பூசி என்பது தடுப்பதற்கே அது போல்
முகக்கவசம் கூட அவசியமே..
சரணம்
முகச் சுத்தம் கைச் சுத்தம் பேணிக் காப்போம் – நாம் (2)
அடிக்கடி கைகளை சுத்தம் செய்வோம்
கூட்டமுள்ள இடங்களுக்கு செல்ல மாட்டோம்
தேவையின்றி வெளியில் வர மாட்டோம்
நாமிருக்கும் இடத்தை சுத்தமாய் வைப்போம்
அதைப் போல் மற்றவருக்கும் உதவிடுவோம்
தனிநபர் இடைவெளியை கடைப்பிடிப்போம்
கொரோனா இல்லாத தேசத்தில் வாழ்ந்து காட்டுவோம்
Prof. V. V. Meenakshi Jayakumar
அன்னாபிஷேகம்
அன்னாபிஷேகம்
அன்னாபிஷேகம் கண்டவர் கலி தீரும்
ஆண்டவன் நமக்கு அருள் தரும் நாள்
இந்த நாளில் இந்த அன்ன கோலத்தில்
ஈசனைக் கண்டால்
உண்மை பொருள் சேரும்
ஊழ்வினை அகலும்
எண்ணியதெல்லாம்
ஏற்றபடி நடக்கும்
ஐங்கரன் தந்தை நம்மை என்றும் காப்பான்
ஒரு நூறு ஜென்ம பாவம்
ஓடியே போகும்
ஔடதமே இப்பிறவி பிணிக்கு அன்னாபிஷேகமே..
காஞ்சி மஹா பெரியவர் அருள் என்றென்றும் நமக்கு இருக்கட்டும்.
Prof. V. V. Meenakshi Jayakumar
அன்னபூரணி
அன்னபூரணி யின் அழகே.. அழகு..
ஆதி சிவனுக்கு அன்னமிட்ட கையழகி
இவ்வுலக நாதனின் தேவியவள்
ஈகைக்கு எடுத்துக்காட்டவள்
உண்டி கொடுத்தோரை உயிர் கொடுப்போர் ஆக்குபவள்
ஊன்உடலுக்கு உறுதுணையானவள்
என்றும் என்றென்றும் நம் அன்னையவள்
ஏழு ஜென்ம பாவம் தீர்க்கும் தங்க அன்னபூரணி தரிசனம்
ஐங்கரன் துண்டி விநாயகர் தாயவள்
ஒரு விசாலாக்ஷியாகவும் வடிவெடுத்தவள்
ஓராறு முகனின் தாயுமானவள்
ஔவை தெய்வம் வடிவில் வந்த காஞ்சி மஹா பெரியவர் அருள் நம்மை என்றும் காக்கட்டும்.
Prof. V. V. Meenakshi Jayakumar
நவராத்திரி
நவராத்திரி
அம்பிக்கை தாயே ஆண்டருள்வாயே
இன்னல் போக்கியே எம்மை காத்தருள்வாயே
ஆதி சக்தியே ஜோதி சக்தியே
ஆடிப் பாடுவோம் வந்தருள்வாயே!
கோலம் வரைந்தோம், கொலுப்படி அமைத்தோம்
கோடி ஜென்ம பாவம் தீர விரதமும் இருந்தோம்
ஓடி நீ வருவாய், எம்மைத் தேடி வருவாய்
நாடியே வந்து நலம் பல புரிவாய்!
தீமையை அழிக்கும் துர்க்கையும் நீயே
செல்வமும் அளிக்கும் லட்சுமியும் நீயே
கல்வியை அளிக்கும் சரஸ்வதி நீயே
ஆதி சக்தியே எம்மைக் காத்தருள்வாய்!
கன்னி பூஜை செய்தோம் ஏற்றருள்வாயே
கடைக்கண்ணால் நீ எம்மை காத்தருள்வாயே
விஜயதசமியில் பயிலத் தொடங்கினோம்
வித்தையை அளிப்பாய் வெற்றியும் தருவாய்!
Prof. V. V. Meenakshi Jayakumar
கண்ணன் பிறந்த நாள் விழா
கண்ணன் பிறந்த நாள் விழா
அஷ்டமி நாள் பார்த்து அவதரித்தான் கண்ணன்…..
ஆதி நாராயணனே இங்கு வந்தான்.
இசைக்குழல் கொண்டு வந்தான்.
ஈடில்லா நாதம் தந்தான்..
உலகினில் உத்தம காதலனாக நின்றான்
ஊர்கோடி யமுனையில் கோபியர் தாபம் தீர்த்தான்
எண்குணம் படைத்தவன் துவாரகையில் அமர்ந்தான்
ஏழுலகை வென்று .. அவன் வேப்பமரமாகியுள்ளான்…..
ஐயமற கீதை சொன்னான்..அதர்மத்தை அழிக்க..
ஒன்றே பரம் என்றே நின்றான் விட்டலன் ஆனான்
ஓசைஒலி எல்லாம் அவனே…கண்ணன் என்பவன்..
ஔவை தெய்வமாம் முருகன் மாமனவன்
காஞ்சி மஹா பெரியவர் கருத்தில் நின்றவன்
காஞ்சி மஹா பெரியவர் கருத்தில் நின்றவன்
அவரின் தெய்வத்தின் குரலாய் என்றும் எழுத்தில் நிற்பவன்.. கண்ணன்…
Prof. V. V. Meenakshi Jayakumar
விநாயகா
விநாயகா
எடுப்பு
எனையாள உடனே நீ வா விநாயகா
எனையாள உடனே நீ வா
தொடுப்பு
உமையவள் மைந்தனே ஓங்கு புகழ் பெற்றவனே
எமைக்காத்து அருளவே வேலுடன் நீயும் வருவாயே
முடிப்பு
இமையோர்கள் நாயகனே ஏனிந்த ஏற்றத்தாழ்வு
அமைதியின் வடிவனே சாந்த சொரூபனே
தமைச்சேர்ந்த அடியவர்தம் வினைத் தீர்க்கும் – விநாயகனே
சமையலில் நேர்த்தியும் சுவையும் தந்தருள்வாயே
உன்னை நம்பும் எனைக் காத்து
அருள்வாயே ஆண்டவனே
புன்னை மர தரு நிழலில் உள்ள
பன்னக சயனனே
தன்மையில் நானும் ஒரு சூரபத்மன் தானே
கண்மணி எனை நீ காத்து அருள்வாயே
கன்னம் அழகு கொண்ட லஷ்மியின் நாயகனே
இன்னும் ஒரு பிறவி இல்லாமல் அருள்வாயே
இன்னும் ஒரு பிறவி இல்லாமல் அருள்வாயே
Prof. V. V. Meenakshi Jayakumar
பத்மநாபா
பத்மநாபா
பாஹி பாஹி பத்மநாபா
பாஞ்சாலி மானம் காத்தவனே
பார்வதி சோதரனே பத்மநாபா
பார்த்திபன் சோகம் தீர்த்தவனே
சார்வபௌமனே பத்மநாபா
சாரங்கபாணியே பத்மநாபா
கார்மேக வண்ணனே பத்மநாபா
சீர் மேவும் சக்ரபாணி பத்மநாபா
பாஹி பாஹி பத்மநாபா
பாஞ்சாலி மானம் காத்தவனே
Prof. V. V. Meenakshi Jayakumar
ராமர்
ராமர்
அயோத்தி அரசன் தசரதனாம்
ஆம் இவன் மிகவும் நல்லவனாம்
இராணியர் மூவர் இருந்தாலும்
ஈண்டு இன்னும் குழந்தை இல்லை
உண்மைத் துறவி ரிஷ்யசிங்கர்
ஊர் போற்ற புத்ர யாகம் செய்தாரே
எண்ணியது அருளும் பாயாசமும்
ஏற்ற இராணியர் பருகினரே
ஐயன் நாரணன் இராமனாயும்
ஒப்பில்லா பரதனும் லட்சுமணனும்
ஓங்கு புகழ் கொண்ட சத்ருகனும்
ஔஷதம் போலே வந்துதித்தனர்
Prof. V. V. Meenakshi Jayakumar