Articles on music, spirituality, self development and humor
சரஸ்வதி
எடுப்பு
வீணை வாசிக்கும் கலைவாணி தாயே – காலம்
வீணாக்காமல் நான் கலை பெற அருள்வாய்
தொடுப்பு
ஆணை உன்மேலே தாயே கலை தர வருவாய்
துணையாக வேண்டும் உந்தன் அருள் நிதி கொடையே
முடிப்பு
அணை போல் காத்திடுவாய் – சரஸ்வதி தாயே
கணையாழி போல் வந்து கையில் பலம் தருவாய்
சுணை என அருள் சுரந்து காப்பாய் எனையே
வீணை என் வாழ்வின் ஒரு அங்கமாக மாற – வரம் ஒன்று தருவாய்
Prof. V. V. Meenakshi Jayakumar
கந்தனே
எடுப்பு
கந்தனே குமரா கார்த்திகை மைந்தா
மைந்தா காத்தருள் புரிவாய் நீயே
தொடுப்பு
கண்ணனின் மருகனே முருகனே குகனே
பண்ணமைத்து பாடும் எங்களைக் காக்க வா
-கந்தனே குமரா
முடிப்பு
விண்ணோர் முதல்வனே உமையவள் புதல்வனே
கண்மணியே வள்ளியின் காதலனே வேலவனே
அண்டமாகி அவனியாகி அறியொனா பொருளதாகி
தொண்டர்தம் குருவுமாகி துகளறு தெய்வமே – முருகனே
சண்முகனே பாம்பன் சுவாமிகளின் தலைவனே
தன்மணி முகம் கொண்ட தெய்வானை நாயகனே
-கந்தனே குமரா
Prof. V. V. Meenakshi Jayakumar
பரசுராமர்
எடுப்பு
பரசுராமர் வந்தார் பார் ஆளும் வேந்தரின் கர்மமதை தீர்க்கவே – பரசுராமர் வந்தார்
தொடுப்பு
அரசர் குலத்தினை அடியோடு ஒழித்திட
கரமதில் கோடாரி கொண்டு தவம் புரிந்த – பரசுராமர் வந்தார்
முடிப்பு
ஜமத்தினி முனிவரின் திருமகனாய் தோன்றி
ஏமத்தில் ஜாமத்திலும் தந்தை சொல் காத்தார்
காமனை அழித்து வைணவ வில் கொண்டார்
ராமனுக்கு தன் வில்லை தந்தருள் புரிந்த – பரசுராமர் வந்தார்
Prof. V. V. Meenakshi Jayakumar
நல்ல நல்ல செய்தி வரும்
நல்ல நல்ல செய்தி வரும் – இனி
நல்ல நல்ல செய்தி வரும்
மெல்ல மெல்ல அமைதி வரும் – இனி
மெல்ல மெல்ல அமைதி வரும்
சொல்ல சொல்ல இனிக்கும் நாமம் – அது ராமனின் திருநாமம்
கொல்ல கொல்ல வரும் யமனை தூர தூக்கிச் செல்லும் திரு நாமம்
Prof. V. V. Meenakshi Jayakumar
அஞ்ச மாட்டேன் இனி அஞ்ச மாட்டேன்
எடுப்பு
அஞ்ச மாட்டேன் இனி அஞ்ச மாட்டேன்
அஞ்ச மாட்டேன் எதற்கும் அஞ்ச மாட்டேன்
தொடுப்பு
கொஞ்சி பேசும் வள்ளி மணாளன் முருகனிடம்
தஞ்சமென்று சேர்ந்து விட்டேன் நான் – எனவே
முடிப்பு
பஞ்சு போல் பறந்திடும் பாவங்கள் எல்லாம்
எஞ்சி இருப்பது பண்ணிய புண்ணியங்கள் தானே
காஞ்சி வாழ் மஹா பெரியவா அருள் உண்டு என்றும்
வாஞ்சையுடனே அவர் உடன் காப்பார் எனவே
– அஞ்ச மாட்டேன் இனி அஞ்ச மாட்டேன்
Prof. V. V. Meenakshi Jayakumar
மனம் உருகுதையா
எடுப்பு
மனம் உருகுதையா – உன் பெயர் கேட்டாலே – என் மனம் உருகுதையா
தொடுப்பு
வனம் செல்ல தேவையில்லை – உனை துதிக்க
மனம் அதை அடக்கினாலே போதும் – என்
முடிப்பு
இனம் அதை நாடாமல் – அலையும் மனமே
கனம் பொருளும் தானே வரும் – உன் பெயர் துதித்தால் போதுமே
சனமும் புகழும் தன்னாலே தேடி வரும் உன் பெயர் துதித்தால் போதுமே
தனமும் அழகும் தானே வரும் – உன் பெயர் துதித்தால் போதுமே
Prof. V. V. Meenakshi Jayakumar
தெய்வத் தமிழ் மொழி
அருமைத் தமிழ் மொழி
ஆன்மீகத்தின் அருள்மொழி
இயல் இசை நாடகம் கொண்ட மொழி
உயர்ந்த தமிழ் இது
ஊமையையும் பேச வைக்கும்
எண்ணெழுத்துக் கொண்டது
ஏற்றமளிப்பது
ஐங்கரன் தம்பி மொழி
ஒப்பில்லாத தமிழ்
ஓங்குமிசை கொண்ட தமிழ்
ஔவை தெய்வமாம் முருகன் பெயர் கொண்ட மஹா பெரியவா தெய்வத்தின் குரலாய் ஒலித்த மொழி..
தமிழே.. தமிழே.. அன்னையே.
உன்னை வணங்கி வாழ்த்துகிறேன்..
எங்கள் எண்ணத்திலும்,
நாவிலும் செயலிலும் வந்து வாழ்வருள்..
Prof. V. V. Meenakshi Jayakumar
தீபம்
அழகு தீபம் ஏற்றி போற்றுவோம்
ஆன்மீக தீபம் ஏற்றி போற்றுவோம்
இல்லம் தோறும் அல்லல் தீர நல் தீபம் ஏற்றுவோம்
ஈசன் முழு வடிவான தீபம் ஏற்றுவோம்
உயர்ந்து ஒளிவீசும் தீபம் ஏற்றுவோம்
ஊக்கமுடன் உற்சாக தீபம் ஏற்றுவோம்
எண்ணத்தில் அன்பெனும் தீபம் ஏற்றுவோம்
ஏற்றம் பெற்று நன்கு வாழ தீபம் ஏற்றுவோம்
ஐயன் அண்ணாமலையானுக்கு தீபம் ஏற்றுவோம்
ஒரு பதினோரு முறை அண்ணாமலையானுக்கு அரோகரா என்றோதி தீபம் ஏற்றுவோம்
ஓம் தீப மங்கள ஜோதி பாடி தீபம் ஏற்றுவோம்
ஔவை தெய்வம் வடிவில் வந்த காஞ்சி மஹா பெரியவர் சொன்னபடி அன்றாடம் தீபம் ஏற்றி தேவாரம் பாடுவோம்.
Prof. V. V. Meenakshi Jayakumar
அனுமன்
அஞ்சனை மைந்தன் அனுமன் அவன்
ஆதி சிவனின் அம்சமவன்
இந்துஸ்தானி இசையின் தந்தை அவன்
ஈரெழுத்து மந்திரத்தின் சொந்தமவன்
உண்மை பிரம்மசாரியவன்
ஊதிய தாடை கொண்டவனாம்
எதிலும் எங்கும் இராமனையே
எப்போதும் காணும் கண் கொண்டவன்
ஏழு பிறப்பில்லா சிரஞ்சீவி அவன்
ஐயன் இராமனே அவன் கடவுள்
ஒருமுகப்பெற்ற உள்ளம் கொண்டவன்
ஓங்கி பறக்கும் கொடியில் இருப்பவன்
ஔவை தெய்வமாம் பிள்ளையாருடன்
ஆதிஅந்த பெருமாளாய் அருள்புரிபவன்
காஞ்சி மஹா பெரியவா கண்டுரைத்த மடத்தின் எதிர் தூணில் ஆசி அருள்பவர் ஜெய் அனுமான்
Prof. V. V. Meenakshi Jayakumar
நதி
காட்டோரம் ஒரு நதி
காடுகாக்கும் நல்ல நதி
காடுபாக்க போகையிலே
காடுபாக்க போகையிலே – இந்த
காதற் பாட்டு வந்துடுச்சி
தன்னானானனானே தன தன்னானானனானே
காசு பணம் வேணாமின்னு
காதோரம் சேதி சொல்லி
கால் நடையா நடந்து வந்தேன்
கால் நடையா நடந்து வந்தேன் – நான்
காதல் நதியே உன்னைத் தேடி
தன்னானானனானே தன தன்னானானனானே
காலை மாலை இரண்டு வேளை
காவற்காக்கும் சூரியனே
காக்க வரும் சாமி நீயே
காலமெல்லாம் நல்லா வாழ
ஆசி ஒன்னு சொல்லு நீ
ஆறுதலா நில்லு
Prof. V. V. Meenakshi Jayakumar