Month: March 2021

அழகு தெய்வமாக வந்து—

காவடிச் சிந்து—செஞ்சுருட்டி

 

அழகு தெய்வமாக வந்து பழனி மலை மீதில் நிற்போன்

ஆதி சக்தி அன்னை தந்த பாலன் — அவன் 

அசுரர் தம்மை வென்ற வடிவேலன்—நல்ல 

அமுதம் என்னுமோர் தமிழில் பாடிடும்

அன்பர் வாழவே கருணை செய் குஹன்

அரனார் குருவாம் உயர் ஸீலன்—என்றும்                                                                                   அருள் சுரந்தே காக்கும் அனுகூலன்

குழந்தையாகக் குமரனாகக்

கோவணாடைத் து­றவியாகக்                                                      கோலம் கொள்ளும் காக்ஷி என்ன சொல்வேன்?– கண்டு                                                                கூறும் மாய வினைகள் யாவும் வெல்வேன்– இந்தக்                                                                  குவலயத்திலோர் கலியுகப் பெருவரதனாய்த்

திகழ்ந்தருளும்  கந்தனைக்                           கும்பிட்டென்றன் பிணிகள் நீங்கி மகிழ்வேன்- உள்ளக்                                                                குமுறல் ஓய்ந்தே நல்ல வழி செல்வேன்

 

நீல மயில் மீதில் ஏறி ஆவினன்குடியில் தோன்றும்

நிமலனாம் குழந்தை முருகேசன் — அவன்                                                                                                           நித்திலப் புன்முறுவல் வள்ளி நேசன் – இந்த

நீள் நிலந்தனில் அன்பு செய்திடும் அடியர் யாரையும் காத்து நின்றிடும்
நித்ய சோதி வடிவமாம் பிரகாசன்— தூரன்
நெஞ்சை நீங்காதென்றும் அங்கு வாசன்

This song is taken from the book “Murugan Arulmani Malai  – Periasamy Thooran